WSTYMP

Witom wszyjskich rojbrów, dziołszki, bajtli, onklów i innych roztomajtych pieronów w winklu Chechlaka, nojbarzi chyba gupim i gupkowatym placu na sajcie kickersów. Ino że wos lubia to wom napisza trocha gupot co by nie było że na ty stronie nic nii ma no i cobyście wiedzieli fto to je tyn Chechlak i cymu łon wos lubi, co chce robić i w ogóle, krotko co my tu do wos momy żeby potym nie było żeście ni wiedzieli że to je tako gupio strona i żeby potym nie było jakiś ale że to nie jest strona o sexie abo jakim porno. U nos tego ni ma.

Wiecie cemu wom to w ogóle pisza? Ni wiecie. No to wom powiem. Bo wos lubia. Ja to żech jus pisoł, ale wom jesce powiem że po to cobyście się ruszyli wasze żici i w końcu przijechali na zalyw nie w tym, jak mu tam, sezunie kej woda śmierdzi scochami i cymś jesce co nie pamientom jak się nazywo i nie byda tegho godać żeby wos chopcy nie sterować. Na zalywie jes fajnie, ja wiym że wy to wiecie, ale chca wom pedzieć że jes fajny i że się możecie tu przijechać z lipstom na kole abo hulajnodze i zrobić se fojera, dziołcha wtedy jes w takim stanie że seblyko szarabary i pokazuje co mo pod spodkiem. Ja, jest tak. W lato na zalywie som chopcy sterydowcy naplompani witaminomai dziołchy ze srogimi ... w tych cychaltrach. Lato się końcy i jak chopcy z MPGK już pozbierajom puszki po piwie to przichodzi jesień. Ja jesień to się można ino porównać na zalywie ze atom bombom abo makówkami (jak fto chce to może być modro kapusta ze kluskami i rolada). No dobra ale byda się trzimoł tymatu. Na zima na zalywie jest nojlepi. Ino cza mieć mocne nerwy i pyncherz, bo to jes zabawa ino do prowdziwego chopa abo baby. Bioło jes wokoło i piździ jak w keleckim na dworcu o szósty rano, a tym co ryby chytajom jesce się chce siedzieć przy przeremblu. Ty się tym nie przejmujes ino wyciongos majzel i motek z piołkom no i ciupies dziura w lodzie. Nie przejmuj się jak wendkarze bydom ci godać, że tu rekina nie złowis, bo ty przeca nic ni chces chytać ino wskocyć do przerymbla i się trocha popluskać w wodzie.

Chechlok w niedziela po łobiedzie trzi na trzecio jedzie na zalyw i o trzeci skoko do wody na Chechle. Żodyn TVN ani inny Polsat ni transmitierujom tego i bez to na tyj stronie możecie się ludkowie cegoś dowiedzieć o Chechlaku. Nikaj o tym nic nie ma ino tu w całym kosmosie durch. Bezto jak cie to interesuje to nie cekej ino właź. Na ty stronie znojdzies relacje ze kompanio ze fotkami i wywiady. W tyn sposób chcymy wom pokozaż jak można fajnie się zabawić i ni wydać 20zł na poł litra. No a jak ftoś chce łostać se morsym to tyż tu może do nos napisać abo przyjechać, abo jedno i druge. My som otwarci, nie wiem jak wy? Kożdego zaproszomy, nawet jak się nie chce kompać ino pooddychać świeżym luftem.

Przi tyj okazji chcioł bych podzynkować Jasiowi za pomoc przy redagowaniu tej strony . Kokosowi za kamerowanie tego wszyjskigo, całemu teamowi Chechloka za dzielno robota. Dzienki tyż Agnieszce, Basi, Bogusi oraz Grabolowi, Marianowi, Melonowi, Olmecie, Rafałowi z Rudy i Żurkowi za uczestniczenie w zabawie w ciągu ostatnich trzech lat. Pozdrowienia tys dla rybaków i narciarzy. Wszyjskich zaproszom do dalszy zabawy i do łodwiedzenia strony.

Mirek