HISTORIA

Wszyjsko ludkowie zacło się łod tego że my się chcieli trocha duży popluskać na zalywie. Wpod na to Jasiu Segiet. Onskigo roku wiosna przisła drabko tak co my się kompali jus łod moja bez cołke lato durch. Potym lotali my ze Jasiem S. bez cołki wrzesień na zalyw i my się kumpali nawet przi gorszy pogodzie. We październiku prziszła pierszo oficialno kompiel we wtory udział wrzoni Jo, peter i Jasiu S, byli jesce Kokos ze kamerum i Jasiu ze Bogusiom. Boł niyzły jubel. Potym jus cało jesień durch kompołech się som aż do grudnia we wtorym przetestowała mie pogoda. Piżdziało jak we keleckim boło minus sześ i wioło pieronowo. Jak my na zalyw przijechali to my łobejrzeli ze coły zalyw jes zamarzniony. Nie wiedziołech co mom robić. No ale żech wźon i żech wskocył do ty wody. Potym żech się kompoł we różnych warunkach ale onskigo razu naprowdy godom wom pogoda boła wyjontkowo perfidno. Potym jak jus porządnie zalyw przymorz to się zacyno kompanie we przerymblu. Ciupanie przerembla tak my rozwionzali. Nojprzód my ciupali majzlym i motkiem coby nie przekuć lodu a potym my piołkom dopiyro piołowali tak co by się woda nie chlupała. Tak tys my robiyli potym bo tyn sposób się przijon. Bez cało zima lonskigo roku kompołech się we przerymblu regularnie ze małymi wyjątkami ale to som take ausfale i nie byda o nich godać. W tyn sposób żech uzyskoł łodznaka morsa chechelskego.

Zeszłego roku kompołech się bez przerwy co tydzień nojczynści w sobota, a ciekawostkom może być fakt, że skuli tego że zima boła piździato, to lód mioł ponad poł metra, tak że robota trwała ponad połtora godziny.

Do dzisiaj kompia się we zalewie regularnie latem i zimom. Pytocie mie co jest w tym takigo interresant??? Ja kompanie jes fajnie na wiecór w zima, ale i jak słonko zachodzi abo jak świeci no i przi roztopach w ciaplacie nie wspomna o dyscu czy kompaniu w lato cy wiosną.

W tym miejscu chciołbych poradzić wszyjskim zainteresowanym że przerymbel kuć tak jak żech wom pedzioł pryndzy, co byście się nie pomocyli. Poza tym pamiyntejcie co by się porządnie rozgrzoć przed włazyniem do wody, bo jak nie to się za szybko zamrozicie we tym przerymblu. Jo jus próbowołech wszyjskigo i wiem że nie rozgrzewać się to nie jes żodno opcja ino gupota. Poza tym we wodzie jak ni ma lodu to kompia się do 6 min, a jak kompia się we przeremblu to 1 do 2 min żodko dużyj, bo nie do się ruszać i wyziembiom się szybci. Poza tym jesce lotanie i we śniegu kulanie noleży do programu.

Mirek